Galería

“Out to Sea”… ou a viaxe dos plásticos

Que estamos a facer os seres humanos? E sobre todo, até cando?…

Viaxemos por exemplo da man do fotógrafo Chris Jordan á illa de Midway, un suposto paraíso no medio do océano Pacífico, colonia de cría do albatros:

Por desgraza, isto non é máis que unha pequena mostra dunha preocupante realidade.

O medio, do que formamos parte, estase a converter nun inmenso vertedoiro debido, en grande medida, simplemente á falta de preocupación que temos á hora de consumir, ou ben, de xestionar os nosos residuos.  Cun pouco de xenerosidade, respecto pola vida e consciencia podemos cambiar estes malos hábitos. Fixádevos o que tardan algúns dos nosos residuos en desaparecer do medio mariño:

cuanto_tardan_en degradarse_MAR

Preocupados pola situación de deterioro do medio natural, este xoves os alumnos de 2º ESO visitamos a exposición “Out to sea” na Fundación Barrié da Maza onde, ademais de concienciarnos amplamente sobre o grave problema que xeran os plásticos no medio natural e reflexionar sobre posibles solucións, puidemos converternos en arqueólogos do futuro analizando o noso actual refugallo plástico.

El pase de diapositivas requiere JavaScript.

Despois desta necesaria experiencia aproveitemos o blog para compartir as nosas impresións. Analicemos entre todos a información traballada durante estes días: que dato foi o que máis vos impactou?, como valorades a problemática dos plásticos na nosa sociedade?, que solucións aportariades para combater este grande problema?

Recordade que reverter a situación está en mans de TODOS NÓS.

0 comentarios en ““Out to Sea”… ou a viaxe dos plásticos

      • Bruno Román Martínez dijo:

        -O que máis me impactou foron as cinco illas de lixo á deriva no mar, a máis grande no Océano Pacífico, o que provoca, entre outros males a morte de moitos animais mariños e aves ao confundila con placto.

        -O principal problema é que o plástico forma parte da nosa vida diaria cun consumo habitual moi esaxerado en produtos de alimentación, hixiene, xoguetes e moitos máis produtos aos que xa non sabemos renunciar.

        -A solución debería partir dun consumo individual e colectivo responsable de maneira que non xeren tantos residuos, intentando reducilo na medida do posible, reutilizando o que poidamos dándolle novos usos, para reducir procesos de fabricación, e reciclando correctamente segundo as normativas o que eliminemos. Por outra parte deberiamos fomentar o uso de produtos reciclados.

  1. Carlota Rodríguez Yera dijo:

    ▪Impacto:
    O que máis me impactou foi a cantidade de plástico que se acumula no mar nun ano, é de 6’4millóns de toneladas.
    ▪Problemática:
    A problemática que eu veo é que hai moi pouca conciencia de reciclar na poboación e debido a isto cada ano acumulase moito plástico que termina no mar e co paso do tempo constitue unha contaminación para o medio ambiente, moitas especies mariñas terminarán por desaparecer.
    ▪Solución :
    Educar a poboación para reciclar e intentar que todos reciclamos.
    😃
    Carlota Rodríguez Yera

  2. Yago Rodríguez Romero dijo:

    •Impacto:
    O que máis me impactou foi a cantidade de plástico que botamos ao mar e que inda por enriba a maioría dese plástico acabe no fondo mariño de tal maneira que non poidamos limpalo.
    •Problemática:
    A maior problemática que penso é que hai moitos países que non reciclan o plástico, directamente tírano ao mar.
    E os países que o reciclan non o fan ben, tamén contaminan.
    •Solución:
    A única solución que vexo é desenvolver un sistema de reciclaxe de plástico máis productivo que o que hai actualmente

  3. Alba Gómez Barrasa. dijo:

    + IMPACTO: O que máis me impresionou foi a cantidade de lixo que cae no mar cada segundo : dúas toneladas.

    + PROBLEMÁTICA: Moitas persoas non saben o que sei agora por iso, eu creo que hai que concienciar máis ás persoas.
    Despois, hai persoas ás que non lles importa.
    Se seguimos así vai acabar mal.

    + SOLUCIÓN: Creo que deberían facer máis campañas contra a contaminación , concenciar máis ás persoas e incentivos para reciclar, como fan en Alemaña. Eu creo que teñen grandes ideas e que debemos tentar copialos para un mundo mellor.

  4. Yago Rodríguez Romero dijo:

    O máis impactante foi a cantidade de plástico que botamos ao mar e o que tarda en desfacerse.
    O maior problema que penso é que unha gran parte dese plástico acaba nos fondos mariños onde non o podemos limpar e ademais moitos animais morren por confundir os anacos de plástico con comida.
    A solución a estes problemas sería facer un método de reciclaxe de plástico máis productivo do que hai actualmente

  5. María Ramos dijo:

    O que máis me impactou foi entrar na sala e ver todo o lixo… E iso é o que entra no mar cada 5 segundos! Pareceume impresionante.
    A maior problemática que eu veo é que a xente non está nada concienciada, e polo tanto utilizamos demasiado plástico e a parte de malgastar tamén estamos contaminando, non só o mar, senón todo o mundo. Tamén creo que neste mundo que xa é máis moderno, deberiamos avanzar e pór leis de reciclaxe, de límites de uso, etc.
    A maior solución que eu veo é que cada un poña o seu graniño de area. É dicir: que reciclen máis, levar bolsas de tea ao supermercado, ter coidado cos envases que levan as cousas que compremos, e sobre todo hai que concienciar e darnos conta de que o mar, o mundo, non se está contaminando, senón que somos nos os que os contaminan.

  6. Sofía Santiago López dijo:

    O que máis me impactou foi descubrir que o plástico é tan nocivo para o planeta ao tardar tanto en descompoñerse. Sorprendeume moito a cantidade de anos que tarda,por exemplo,unha simple botella de plástico (450 anos) en desfacerse.

    Creo que a problemática dos plásticos na nosa sociedade céntrase no emprego excesivo destes. A xente úsaos durante un tempo demasiado limitado e despois non saben que facer para reciclalos, pero seguen usándoos, cada vez en maior medida.

    Eu creo que hai solucións que están ao alcance de todos, como empregar obxectos feitos normalmente de plástico de outro material menos contaminante ou, polo menos, que tarde moito menos en desaparecer. Tamén se pode reciclar o plástico, aínda que parte do plástico non acabe reciclado.

  7. Iván Fernández dijo:

    O que máis me impactou da visita foi a de cousas que había na morea de lixo que nos ensinaron ao entrar e como podían acabar alí certas cousas como neveiras e pneumáticos dese tamaño.
    Na sociedade actual na miña opinión a xente coñece os problemas dos plásticos e os datos das illas xigantes do pacifico pero como llo repiten tantas veces está asumido, xa non impacta tanto ata que o ves realmente e por iso hai moita xente que non acaba de concienciarse.
    A solución que eu aportaría seria modernizar os contedores de lixo para que identifique a cada cidadán e que segundo o que recicle que lle desgrave, e un recoñecemento remunerado á cidade de forma que houbese máis competitividade e eu creo que desa forma máis xente se animaría a reciclar.

  8. Tania Viéitez dijo:

    O que máis me impactou foi ver aquela cantidade de lixo nesa sala,e pensar que cada 5 segundos entra todo ese lixo no mar, é impresionante, nunca tería imaxinado que houbera tanta cantidade.

    O maior problema é que a xente utiliza o plástico en cantidade, e despois bótao ao contedor que non é correcto. Pero non pensan que ese lixo, acaba no mar, non pensan nas consecuencias que ten tirar o plástico.

    Eu creo que a solución correcta é concienciar á xente para que recicle, non utilice tanto plástico e se o usa, que o recicle que non costa nada. Se a xente pon un graniño de area cada un, non haberá tanto lixo no mar, directamente en todo o mundo.

  9. Diego Veiga Seoane dijo:

    -IMPACTO:
    Para min o máis impactante da saída foi a montaña de lixo que vimos naquela sala, non me chego a imaxinar todo o lixo que pode chegar a haber nun só ano.
    -PROBLEMÁTICA:
    Eu creo que a problemática de todo isto é que a xente non é consciente do que esta pasando. E só,si se puidese facer saber a toda a xente eu creo que non o seguirían facendo.
    -SOLUCIÓN:
    Eu creo que unha solución é a reciclaxe máis complexa dos plásticos como se fai en Alemania. Outra podería ser que houbese outra planta de reciclaxe.

  10. Iria Maquieira Cerviño dijo:

    O que máis me impactou foi ver a cantidade de lixo que tiramos ao mar podendo reciclalo e volvelo a utilizar.

    Eu creo que o problema é que non só non reciclamos, senón que ademais, non nos preocupamos por iso. Se reciclaramos máis e mellor, probablemente non habería tanto lixo no mar como para formar “illas” de lixo.

    Se queremos solucionalo, deberíamos reciclar máis e achar o modo de non contaminar tanto ou utilizar menos plásticos. Por exemplo, utilizando as botellas varias veces, ou separando os diferentes tipos de plásticos, ou utilizar aqueles que non sexan tóxicos, posto que non nos fan falta.

    • Iria Guntin dijo:

      Ben, pero ollo!, recordade que non debemos reutilizar demasiadas veces as botellas de plástico (PET) xa que acaban liberando substancias nocivas para o organismo.

  11. Laura Isasi Hernández dijo:

    O que máis me impactou foi cando a guía nos ensinou o plástico que tiñan por media os peixes no seu corpo, e despois o mesmo en proporción aos humanos, que é moito. E fíxome pensar outra cousa que dixo, que cando xa non vemos o plástico, pensamos que desapareceu, pero non.

    O maior problema é que os humanos somos moi consumistas, e, por exemplo, cando mercamos unha caixa de fresas, o envase, que adoita ser de plástico, botámolo directamente á basura, sen darlle máis uso que 2 segundos. Por iso, estamos consumindo e botando permanentemente.

    Dende logo, non podemos deixar de usar plástico, porque xa pasou a formar parte da nosa vida. Creo que deberiamos empezar a fabricar todos os plásticos que usamos pouco tempo, que son os que máis se converten en residuos, biodegradables, e os outros, aos que lles damos máis uso, plástico normal, ou reciclado.

  12. Clara Alonso dijo:

    *O que mais me impactou e que, inda sabendo o dato alarmante que di que cada 5 segundos entra ao mar todo o lixo que ocupaba aquela sala, non se fai nada nin se propoñen novos remedios.

    *Céntrase no uso excesivo deste material e que non se controla o seu uso. Se todo o mundo controlase e reutilizase este material, quizá non teriamos este problema, que está afectando a moitas vidas, tanto de animais como de seres humanos.

    *Deberiamos reutilizar todo o que se poida, evitar produtos plastificados, tamén evitar que chegue aos océanos, utilizar produtos menos contaminantes ca o plástico, e deixar os intereses económicos a outro lado e pensar máis no futuro deste planeta.

  13. Alexandra arias dijo:

    O que máis me impactou foi a tremenda cantidade de lixo que vertemos ao mar en tan pouco tempo ( 5 segundos) e tamén que morran tantos animais dunha maneira tan horrible por tragar os nosos plásticos.

    Para min a problématica que hai é que non moita xente sabe todo o dano que está facendo ao mar, aos animais e a nós mesmos! Pero esta falta de coñecemento é porque as persoas que se encargan do goberno non lles interesa o tema (polo menos o parece) e non poñen a atención suficiente neste tema.

    E na miña opinión a solución é que os políticos se involucraran máis e mostraran ás persoas o dano que estamos facendo para así reciclar máis.

    • Iria Guntin dijo:

      Ben Alexandra!, é certo que os países deben desenvolver bos plans de xestión dos seus residuos. Pero recordade que é moi importante o que cada un de nós faga a nivel individual.
      Xuntos podemos cambiar moitas cousas!, pero temos que ser máis activos e non conformarnos co que nos rodea, funcione mellor ou peor.

  14. Asun dijo:

    Desde luego si tuviese que decir un dato que me hubiese impactado realmente y me hubiese demostrado lo “supuestamente” avanzados que estamos es, sin duda, ver la gran cantidad de basura que no reciclamos y como imponemos el dinero a nuestra propia salud, sin darnos cuenta de que nos perjudica a nosotros, por mucho que no pensemos así.

    Los plásticos ya llevan bastante tiempo afectando a nuestra sociedad y sin embargo, hoy en día creemos que si algo no lo podemos ver, es menos importante y perjudicial para nosotros. En cierto modo da pena ver como el lugar donde vivimos se llena de porquería cuando eso se puede evitar de muchas maneras.

    Muchos países tienen ya varios métodos de reciclaje que están dando sus frutos y les ayudan a combatir la contaminación. Podemos tomar ejemplo de ellos y empezar a utilizar abono natural (compostando el residuo orgánico), reciclar las bolsas de plástico en casa, aumentar el número de fábricas de reciclaje en Galicia, etc.

  15. Juan Horro dijo:

    -Impacto: o dato para min máis impactante foi o da illa de plásticos. Eu xa escoitara algo pero nunca pensei que foxe tan grande. E o outro, a cantidade de plásticos que botamos cada cinco segundos (2 toneladas) e por culpa dixo a cantidade de animais que morren por inxerir plástico.

    -Problema: que moitísima xente descoñece o tempo que tarda en desfacerse o plástico e que outra pensa que non vai pasar nada por botar un botella ao mar, pero como somos 6 mil millóns de persoas pasa o que pasa. Así imos destrozar o océano, unha fonte enorme de fauna e alimento.

    -Solucións: o mellor sería que todo o mundo reciclara pero iso é imposible. Informar a toda esa xente que non recicla para que se dean conta do dano que fan., ben mediante exposicións ou vídeos. En vez de usar sempre plástico para todo usar o vidro tamén e as bolsas do supermercado que sexan de tea ou papel resistente, pero hai que empezar xa coas solución senón será xa moi tarde.

  16. Ana Sánchez Pinzón dijo:

    O que máis me impactou foi saber que todas as cousas que compramos levan algo de plástico, dende unha boneca a una simple froita. Aínda que en realidade sabía que o plástico estaba moi estendido, non pensara en canto se utiliza, e ás veces innecesariamente.

    O gran problema é que ao ser tan económico e tan útil para os seres humanos está prexudicando á natureza e tamén está prexudicándonos a nós. Tamén a grande cantidade de persoas que utilizan o plástico e bótano, de algunha maneira, ao mar. E para min, sobre todo, que cambiamos outros materiais polo plástico para case todo e ese é o problema.

    Unha solución sería que todos aportaramos o noso “granito de area”, tan só reciclando e non tirando ao solo as bolsas de plástico, as botellas… iso faría que non chegasen ao mar. E para a xente que non queira reciclar, que polo menos cando vaia ao supermercado leve a súa propia bolsa e que non sexa de plástico.

  17. Ana García Domínguez dijo:

    De tódolos datos interesantes que nos contaron, eu quedeime co dato de canto lixo chega aos nosos mares, máis de 4,6 millóns de toneladas!

    A problemática dos plásticos é moi preocupante. A maioría da xente no mundo non recicla, e non só iso, senón que as fábricas encargadas da súa reciclaxe non están ben pensadas para ocuparse de tanto lixo, polo que a maioría do plástico é queimado ou vertido ao mar.

    Se queremos arranxar este problema todos deberiamos reciclar e non usar tanto os envases plásticos, cambialos por cartón ou reutilizar o que usamos varias veces.

  18. Yago Costas Rodriguez dijo:

    O que máis me impactou foi o tempo que tardan os plásticos en desfacerse no medio acuático, por exemplo unha simple botella tarda 450 anos en desfacerse.

    O gran problema é que os plásticos só se fabrican pola comodidade das persoas, ainda que só se utilicen 10 minutos coma pasa cos das froitas.

    Por exemplo, unha solución é utilizar envases doutros tipos de materias e que á hora de comprar fagan un pequeno desconto, así incitarían á xente a deixar un pouco de lado os plásticos, que son moi prexudicias para o medio ambiente.

  19. Héctor Bazo dijo:

    O que máis me impactou foi o dato das toneladas de lixo que acaban no mar cada ano por a nosa culpa.

    O problema é moi importante porque xa hai illas de plástico no mundo máis grandes que países. E o plástico, en xeral, tarda séculos en desaparecer porque non é biodegradable. Non só morren animais, ao final acabamos prexudicándonos a nós mesmos porque comemos peixes que comeron plástico.

    É necesaria máis concienciación co problema que supón o plástico nos nosos mares e océanos. Se a xente soubera a cantidade de animais inocentes que morren por esta situación, eu creo que non o farían. Para que todos nos concienciemos do que isto supón, son moi boas as exposicións e as charlas. Outra solución sería que todo o mundo reciclase, é algo moi fácil e sinxelo. Tamén hai que evitar na maior medida posible os plásticos e tratar de usar calquera outro material biodegradable.

  20. Pedro Martínez dijo:

    A min, o que máis me impactou foi aquela viaxe que nos ensinaron, na cal se vía o percorrido dunha bolsa de plástico calquera dende un parque natural no que a botaron ata o mar.

    Eu creo que a problemática é que a xente non se dá conta dos problemas que conleva non reciclar, polo que o seguen facendo.

    Algunhas das solucións que eu aportaría serían: construír outra planta de reciclaxe en Galicia, concienciar á xente do importante que é reciclar e facer como unha especie de concurso no que o cidadán número “x” gañe por exemplo un iPhone 6 , así incitaríase á xente a reciclar.

  21. Pedro Melús Caneda dijo:

    A min o que máis me impactou foi o feito de que se formen grandes illas de plástico, porque os humanos botamos unha gran cantidade de plástico ao mar sen pensar (2 toneladas cada segundo).

    Isto é un gran problema porque os peixes comen estes plásticos e, indirectamente, acabaremos coméndoos nós. Ademais, a longo prazo, acabarase destruíndo o ecosistema mariño.

    Penso que unha solución sería concienciar ás persoas para que se decaten do perigo que supón tirar cousas ao mar, pois moita xente pensa que cando se bota ao mar lixo, este desparece e non causa ningún problema. Tamén é necesario que todos reciclemos e reutilicemos as cousas que usamos para evitar que o mar, e o mundo en xeral, se converta nun recolledor de lixo.

  22. Pablo Somoza Bernardez dijo:

    O dato que máis me impactou foi a cantidade de lixo e residuos que caen ao mar cada 5 segundos, dúas toneladas!

    Creo que non hai conciencia do mal que está este problema na sociedade e os políticos non fan moito por difundilo e case nada por solucionalo.

    Se gastaran diñeiro podería haber moitas solucións, dende usar botellas de vidro e reciclalas en vez de moitas de plástico, ata incluso recoller e reciclar a maior parte do lixo que forma as illas.

  23. Miguel Ángel Vázquez dijo:

    Impactou:
    O que máis me impactou foi que a illa de plástico mida 2-3 veces España.

    Problema:
    O maior problema é que a xente non está concienciada do problema que hai, e se continuamos nesta liña todos os océanos estarán cheos de plástico e non poderemos disfrutar deles.

    Solución:
    Facer máis campañas para concienciar á xente podería ser unha solución, ou mellorar a forma de reciclaxe. Creo que a solución está máis nas mans dos cidadáns e non tanto dos altos cargos políticos, inda que estes teñen que facer boas plantas de reciclaxe.

  24. Carmen Cavada dijo:

    O que máis me impactou foron os paxaros que morren por causa do plástico en Midway Island. As fotografías tomadas do interior das aves afectáronme moito, e fixeron que me dera conta do realmente perigoso que é o uso dos plásticos.

    Creo que o problema cos plásticos hoxe en día é moi grande, e non só nos afecta a nós, tamén se ven prexudicados moitos animais alleos ao problema, e polo tanto, inocentes. Así que,o plástico, a pesar de todas as comodidades que nos proporciona, tamén nos trae moitos problemas.

    Para combatelos, teriamos que reducir o seu uso, e substituílo por outros materiais menos prexudiciais. Teriamos que estar máis concienciados e debería haber un incentivo económico para as persoas que reciclen, de xeito que o faga máis xente. O goberno debía intervir poñendo leis para baixar o excesivo e innecesario consumo deste material.

  25. eva perez martinez dijo:

    O que máis me impactou foi a cantidade de plástico que tiñan as aves no estómago e a súa morte por culpa deste produto.

    O problema é que pola nosa culpa morren animais e contaminamos o noso planeta, non nos damos conta de que nós mesmos facemos un mundo peor onde vivir.

    Solución é reciclar todo o que usemos e deixar de usar tanto material que non sexa biodegradable.

  26. Ana Pachón Reboreda dijo:

    O que máis me impactou foi a cantidade de plástico que botamos ao mar cada cinco segundos. Como pode ser iso? Dúas toneladas que acaban coa vida dun montón de seres vivos!

    Eu creo que os plásticos son un problema moi grande que nos debería preocupar a todos pero que só uns poucos lle dan a importancia que require.

    A solución sería educar ás persoas para que reciclen, que sexa algo que veña nos libros de texto coma algo importante. E facer coma en Alemania, que nas casas xa separan os distintos tipos de plásticos. Tamén, a nivel de Galicia, facer outra “SOGAMA” pero que funcione mellor, multiplicando o número de traballadores e poñer un imán que separe ben as latas.

  27. Fabio Bernárdez dijo:

    O que máis me impactou creo que foron as toneladas de lixo que tiramos cada 5 segundos ao mar (2 toneladas).

    É un problema moi grave, nos afecta a nós, aos animais que nos rodean e ao medio. Este material é moi perigoso para o medio.

    Para combater este problema teriamos que buscar algún material alternativo. A xente corrente tamén tería que facer a súa aportación e reciclar todo o que puidera.

  28. Noelia Tinoco dijo:

    O que máis me impactou foi a curtametraxe sobre os paxaros que morren por causa do plástico, grazas a el podo darme conta da realidade e do dano que facemos, sen ter en conta que tamén nos prexudica a nós. E a maiores, esa cantidade de lixo na sala, e que só en 5 segundos entra no mar!

    O problema cos plásticos é máis grande do que a maioría de nós cremos. É certo que proporciónanos moitas comodidades, pero a xente úsaos durante un tempo moi limitado e logo non sabe que facer con eles, de que maneira reciclalos.

    Para “remedialo” teriamos que substituílos por outros materiais menos prexudiciais, como por exemplo: cando vamos ao supermercado, levar bolsas de tea substituíndo ás de plástico. Pero para que esta situación mellore temos que concienciarnos todos, e pór cada un de nós o noso gran de area.

  29. Jorge Oseira dijo:

    O QUE MÁIS ME IMPACTOU:
    – O que máis me impactou foi a cantidade de seres vivos que morren pola culpa dos nosos residuos. Moitas tartarugas morren polas arandelas plásticas das latas de refresco e tamén confunden as medusas con bolsas de plástico.

    PROBLEMÁTICA DOS PLÁSTICOS NA NOSA SOCIEDADE:
    – Hai demasiados plásticos na nosa sociedade e ademais da cantidade que hai tardan moito tempo en descompoñerse. Afectan moito á contaminación do planeta e é moi difícil desfacerse deles.

    SOLUCIÓNS:
    – As solucións que eu aportaría serían:
    Non usar bolsas de plástico para as compras e usar bolsas de tea reutilizables ou usar bolsas de papel biodegradables.
    Tamén se poden usar cueiros reutilizables en vez de usar os cueiros de plástico de usar e tirar.
    Usar envases biodegradables para gardar os alimentos en vez de envoltorios de plástico.
    Por último, axudar reciclando todos os plásticos que tiramos.

  30. Naiara Álvarez Fernández dijo:

    Na saída que realizamos “Out to sea”, o que máis me impresionou foron as fotografías dos paxaros recubertos de lixo así como a illa de lixo cerca das illas Hawai.

    Temos que ter presente que na maior parte do mundo emprégase o plástico en abundancia, e cando xa non o necesitamos tirámolo, sen darnos conta do seu impacto sobre o medio ambiente.

    Dende o meu punto de vista, é necesario medidas e actuacións por parte dos gobernos coa finalidade de concienciar á poboación dos riscos do plástico e da necesidade de reciclar. Outra medida, e a substitución do plástico nalgúns obxectos como as botellas de auga, por vidro. Estou segura de que con un pouco que faga cada un conseguiremos coidar o noso planeta.

  31. Elena Rodríguez dijo:

    O que máis me impactou foi que con esas 2 toneladas por 5 segundos que botamos no mar, fórmanse illas varias veces máis grandes que España e que non desaparecen.

    Un problema que vexo é que non nos déramos conta de que estabamos matando aos animais, pero o máis grave é que o plástico tarda moito en desaparecer e que contamina o mar.

    Unha solución que vexo é que poderiamos reciclar o plástico ou reutilizalo en vez de tiralo sen máis, tamén poderiamos utilizar outros materiais en vez do plástico, como o vidro nas botellas ou o papel para as bolsas.

  32. Marta Rodríguez Domínguez dijo:

    O que máis me impactou é que hai unha illa de lixo do tamaño de 3 veces Texas no medio do océano Pacífico.

    Os plásticos na nosa sociedade son un problema xa que contaminan moitísimo e nos prexudican na saúde e no medio ambiente pero tamén axúdanos xa que sen eles non teríamos a maioría de cousas que temos xa que moitas son de plástico. Eu creo que prexudícanos pero que son necesarios.

    Xa que todos os plásticos son malos deberiamos deixar de usalos e tiralos tan rápido como o facemos. Por exemplo, non usar bolsas plásticas senón bolsas de tea ou doutro material.

  33. Raquel Ruzo Estevez dijo:

    O dato que máis me impactou foi o número de plásticos que botamos polo sumidoiros porque cando o tiras polos sumidoiros vai todo a parar ao mar e os peixes engánchanse, as tartarugas pensan que as bolsas son medusas e cómenas e afogan. Tamén os plásticos ao estar en contacto coa auga e o sol vanse troceando en anacos moi pequenos que os peixes comen e que despois outro peixe se come ao peixe que ten plástico no ventre e que despois nós comemos ese peixe contaminado, e en realidade nós somos os máximos consumidores de plásticos.

    Eu valoro que teñamos que cambiar os plásticos por cousas biodegradables, ensinarlle á xente como prexudica que os botemos polo sumidoiro ao medio ambiente e aos seres vivos, porque eles non se dan conta do que sucede ao seu redor: se comen plásticos, se a praia está contaminada … é que á xente hai que ensinarlle o que sucede cando botas un plástico polo desaugadoiro.

    As miñas solucións son:

    . Concienciar á xente

    .Cambiar os produtos

    .Reutilizar os produtos, menos as botellas que botan un produto.

    .Cando vas á compra levar a túa bolsa e non collelas no supermercado.

    .Non tirar nada polo sumidoiro.

    .Intentar limpar a praia para que os seres vivos non se coman os plásticos.

  34. Nerea Cruz Moldes dijo:

    O que máis me impactou foi a gran cantidade de lixo que vai parar ao mar, tanta cantidade é que se formou unha illa dúas veces máis grande que o estado de Texas só co plástico que empregamos.

    Penso que os seres humanos non nos damos conta da cantidade de plástico que estamos empregando, pero o peor de todo é que non sabemos o dano que lle fai aos animais e a nós mesmos, pois o plástico non desaparece e seguirá contaminando ó mar e facendo dano.

    Unha solución podería ser non empregar tantos materiais de plástico como botellas, bolsas… E facelas doutros materiais como vidros, papel… Pero sobre todo penso que a mellor solución sería concienciar á xente de que non se pode utilizar tanto o plástico, seguramente se soubesen o dano que fai comezarían a reciclar e concienciar a máis xente.

  35. Angel Fernández Pereira dijo:

    IMPACTO :

    O que máis me impactou foi ver os animais agonizando pola inxesta de plásticos e residuos que se botan ao mar.

    PROBLEMÁTICA:

    Hoxe en día temos un grave problema co plástico xa que a maioría dos alimentos veñen envasados en plástico. Ademais a xente non está concienciada da importancia de reciclar este material, polo tanto aparecen residuos de plástico por todas partes, e por isto moitas especies acabarán extinguíndose .

    SOLUCIÓN:

    Paréceme moi importante que a todos os restaurantes de comida rápida lles prohiban a utilización de cartón e plástico, e en xeral utilizar máis vidro reciclable en lugar de tanto plástico.

  36. Antia Calvo Rivas dijo:

    O dato que máis me impactou foi a cantidade de plástico que hai no mar e o tempo que tardan en degradarse, provocando un problema moi grave que afecta á vida de moitos animais.

    O gran problema dos plásticos e que se usan moitísimo, practicamente en todo xa que son moi fáciles de moldear e de fabricar pero tamén hai pouca xente que sabe todos os problemas que estes causan.

    Eu penso que una boa idea é que non se utilice tan excesivamente o plástico e se usen máis outros materiais así como que se lle ensine á xente que non recicla todos os problemas que provoca isto, ou intentar que as empresas que se encargan de reutilizalo aceleren o seu funcionamiento.

  37. Simón Martín dijo:

    O dato que máis me impactou foi o número de plástico que se bota ao mar cada 2 segundos, que é de 2 toneladas. Cando oín isto de parte da guía da saída púxenme a contar o tempo que tardaba en explicarnos ese tema e o número de quilos de plástico que me daba era unha barbaridade.

    Entón dinme conta que é moi moi difícil solucionar este problema, e se non se fai xa o planeta acabará converténdose nunha morea de plástico, un planeta destrozado en pouco menos dun século.

    Na miña opinión as solucións son pouco posibles, non inalcanzables pero complicadas de conseguir se non se conciencia á poboación do que está a pasar en moitos lugares do mundo, os seres vivos aos que estamos prexudicando, e as feridas irreparables que o plástico sobreempregado causa en todo o medio.

    Saúdos.

  38. Pedro Otero dijo:

    O dato que máis me impactou a min persoalmente foi ver os estómagos dos paxaros cheos de plásticos matándoos de fame porque non lles cabía a comida. Iso foi o máis duro para min, concretando o dano que facemos a todos os animais.

    Eu creo que na nosa sociedade, a xente pensa que por non reciclar ela non vai pasar nada e así pouco a pouco convertense en moitísimas persoas que non reciclan por ese pensamento. Iso está fatal, ademais de facer moitísimo dano ao medio fan dano a outros seres vivos que se comen eses residuos facéndose dano a eles mesmos.

    Eu diría de substituir os plásticos por outro tipo de material como o vidro. Xa sei que as empresas non lles convén xa que perderían diñeiro pero como sigamos así terminaremos nós dentro de moito vivindo entre montañas de plástico.

  39. Teresa López Franco dijo:

    Un dos datos que máis me impactou foi a cantidade de lixo que se tira ao mar cada cinco segundos, dúas toneladas. Ademais tivemos a oportunidade de ver cos nosos propios ollos canto plástico son dúas toneladas, e foi verdadeiramente impactante.

    Un dos problemas máis grandes co plástico é que non só nos fan dano a nós, os humanos, senón tamén a outra infinidade de seres vivos que non teñen a culpa dos nosos inventos. Tamén, a pesar de haber moitas alternativas válidas ao plástico, non son “rentables” economicamente e por iso non se levan a cabo.

    Eu creo que unha posible maneira de tentar solucionar o noso problema é concienciar á xente da importancia de usar na menor medida posible este material tan daniño, e nos casos nos que non se poida evitar o seu uso, insistir na importancia vital da súa reciclaxe.

  40. Javier López Roselló dijo:

    O que máis me impactou da saída do outro día foi o de que os humanos tiramos 2 toneladas de lixo orgánico ou plástico cada 5 segundos! E o tempo que tarda en degradarse iso si que é incrible.

    O máis grave para nós é que os peixes comen ese lixo e nos ao final comemos ese lixo e é prexudicial para a nosa saúde e a dos peixes. E que é moi barato producilo e adquire moitas formas e que se usan practicamente en toda a vida.

    Eu o que faría para que non houbese tanto plástico sería usar envases de madeira ou de cartón, usar botellas de vidro en vez de plástico xa que as de vidro se poden usar miles de veces máis que as de plástico e o vidro pódese reciclar as veces que queiras e que a xente saiba do problema que hai agora mesmo neste mundo.

  41. Gonzalo Torres dijo:

    IMPACTO:

    Dende o meu punto de vista hai tres cousas que me impactaron moito:
    1 cando entramos naquela sala e a señora dixo que cada cinco segundos entran dúas toneladas de lixo no mar.
    2 hai unha illa de plástico do tamaño de Texas.
    3 o tempo que tardan en degradarse os plásticos. Pode tarda máis ca nosa vida en degradarse, inda que en verdade nunca van a desaparecer.

    PROBLEMÁTICA DOS PLÁSTICOS NA NOSA VIDA:

    Pois que nós mesmos non nos damos conta do dano que vai facer isto na vida dos nosos fillos, utilizamos en casi todo algo de plástico, imos ao supermercado e alí onde mires hai algo de plástico, sexa nos tapóns ou nos envoltorios onde vai a comida.
    Moitos animas están a morrer por culpa de ter plásticos no seu habitat, como os albatros, as gaivotas peixes… Pero o peor é que o plástico vai acabar en nós de maneira directa ou indirectamente.

    SOLUCIÓN:

    Reciclar os plásticos no seu contedor correspondente que en este caso é o amarelo. Tamén podemos comprar envases de vidro en vez de os de plástico xa que o vidro non leva tantos produtos tóxicos coma o plástico.

  42. Pedro García-Trejo Novoa dijo:

    O que máis me impactou foron as imaxes dos paxaros mortos que tiñan plástico nos seus estómagos. Desde o meu punto os plásticos son unha grande comodidade, xa que podes facer un montón de cousas con eles sempre que deixen de ocurrir estas cousas tan prexudiciais para o medioambiente. Sería unha grande solución para o medioambiente que deixara de haber plásticos pero iso non e posible.

  43. Andrés Vázquez dijo:

    Un só botellín plástico tarda 450 anos en desaparecer do medio, isto sucede cada vez que unha persoa bebe auga. O impacto dos plásticos está a afectar ao noso organismo, estamos a comer plástico e cada vez máis.
    Se isto continua sucedendo o medio rematará sendo un auténtico vertedoiro. Xa existen illas descomunais de plásticos, e se seguemos nesta liña o mar vaise ir convertendo, lenta pero inexorablemente, nun vertedoiro.

    Isto non é traballo dunha persoa, é traballo de todos e cada un de nós. Nós somos os causantes do que está a suceder na Terra. Queremos un futuro así para os nosos descendentes? Eu non, así que hoxe é o dia de cambiar e mañá, ao mellor, xa é tarde.

  44. Alejandra Álvarez Molins dijo:

    O MAIS IMPACTANTE:

    Probablemente o que máis me impresionou foi que hai illas feitas de plástico e que cada cinco segundos, entren dúas toneladas de lixo que causa a morte de millóns de animais e de centos de especies que poden estar en perigo de extinción .

    PROBLEMA DA SOCIEDADE:

    Creo que o problema do plástico é moi grave e que a xente aínda non é consciente, e a medida que seguimos ese pensamento de non preocuparse e que non depende de nós, acabaremos por destruír o mundo e a raza humana.

    SOLUCIÓN PARA O PROBLEMA:

    Creo que combater este problema non é tan difícil se todos se comprometen pero logralo é practicamente imposible xa que hai xente á que non lle importa. Eu creo que se nós reciclamos tanto o orgánico como os plásticos, e nos implicaramos un pouco máis cada cidadán, poderiamos salvar o mundo.

  45. Ana Domínguez Abruñedo dijo:

    O que máis me impactou foi a reportaxe fotográfica (xa comentada na clase) na que o fotógrafo expón visualmente o dano medioambiental que este material produce e a forma na que impacta nunha illa tan afastada da poboación humana. É lamentable que aves coma esas teñan que morrer en tales condicións pola contaminación que producimos en exceso.

    O principal problema é o uso masivo do plástico, xa que, como é moi práctico e económico, é un dos materiais máis utilizados. A este problema se lle suma a enorme cantidade de tempo que este material tarda en degradarse, polo que vai acumulándose creando enormes illas de plástico, atrapadas polas correntes.

    A única solución posible é evitar, dende agora mesmo, o uso continuo do material e usar outras alternativas (coma bolsas de papel biodegradables ou botellas de vidro), ademais de intentar facer recollidas para limpar os hábitats dos animais (e as cidades), e así evitar que os nosos sucesores teñan que vivir entre lixo. Aínda que todo isto é moi fácil dicilo, o máis difícil será concienciar ás persoas para poder levar estes proxectos a cabo.

  46. Daniel Fariñas Olmedo dijo:

    O máis impactante é a cantidade descomunal de plástico que se tira ao mar cada cinco segundos, que son dúas toneladas. Pero hai algo que o sobrepasa. O dos albatros. Por cuestións de supervivencia, comen os plásticos para poder alimentarse eles e as súas crías. A xente debería coidar máis o medioambiente por cuestións de saúde a nivel mundial.

    Se as persoas seguimos a este paso, teremos que vivir todos entre o lixo, e os nosos descendentes terán que facer igual. Os gobernos teñen que tomarse en serio o da contaminación porque se se segue a consumir plástico de forma masiva o planeta converterase nun vertedoiro enorme.

    Temos que actuar dende hoxe mesmo, senón o día de mañá será un futuro horroroso. Os gobernos teñen que actuar. A xente ten que actuar. A situación é agora ou nunca.

Deja un comentario

Tu dirección de correo electrónico no será publicada. Los campos obligatorios están marcados con *