Patrulla verde en acción: a compostaxe na escola

O curso remata pero as patrullas verdes seguen, incansables, co seu bo facer.

O pasado venres o equipo de 2º ESO, que traballa voluntariamente para promover a campaña de compostaxe, deu unha charla educativa en 6ºB Primaria. E hoxe, o outro equipo fixo a súa intervención en 6ºA.

Na charla repasaron conceptos de interese: compostaxe, vermicompostaxe, ciclo da materia, produtos que se poden e non se poden botar aos composteiros, etc. Pero, se cadra, o máis importante é a labor de concienciación que fan e a solidariedade que sementan coas súas charlas e o seu propio exemplo, pois estas actividades as realizan de xeito altruista.

Bravo unha vez máis polo bo e xeneroso facer!

El pase de diapositivas requiere JavaScript.

Imagen

Enrolados no Proxecto Ríos

Comzamos a identificar macroinvertebrados!

Hoxe, un grupo de @s alumn@s de 1º ESO disfrutaron dunha bela saída ao río Eifonso, na que puideron desenvolver un completo traballo de campo. A outra clase farana máis adiante.

Foi unha saída especial xa que con ela inicamos o noso compromiso como Escola colaboradora no Proxecto Ríos: programa de estudo e conservación dos ríos galegos, promovido pola asociación ecoloxista ADEGA.

Para poder valorar cal é a calidade das augas do río e da contorna do Eifonso, fixemos un interesante estudo baseado sobre todo en:

  • estudo de macroinvertebrados
  • observación de especies exóticas invasoras: tradescantia e acacia negra.
  • análise físico-químico das augas do río

En adiante, faremos un par de mostraxes anuais por curso, unha en Outono e outra en Primavera, para aportar os datos recollidos a ADEGA e poder así avaliar e valorar como evoluciona a calidade de vida neste ecosistema.

Os rapaces puideron pór en práctica unha morea de coñecementos aprendidos ao longo do curso, especialmente os relacionados cos diferentes reinos da vida e os temas de ecoloxía. E, en verdade, demostraron estar á altura! Así que parabéns pola boa aprendizaxe.

Os macroinvertebrados, ao igual que os liques, anfibios ou determinadas especies de aves, son bos bioindicadores, polo que o seu estudo resulta de gran interese para interpretar a calidade de vida do noso medio.

@s alumn@s quedaron abraiados coa grande biodiversidade de pequenos e curiosos seres que fan a súa vida no leito e beiras do río.  Un fervedoiro de vida esperáballes: ninfas de odonato (futuras libélulas), de efémeras (futuras moscas de Maio), de tricópteros e as súas especiais “casas” (mosca peluda), larvas de dípteros (moscas), oligoquetos, hirudíneos (sambesugas), etc. Incluso tivemos o privilexio de observar unha delicada larva de píntega!

En canto aos parámetros físico-químicos, puidemos analizar, con diferentes reactivos, o pH da auga, a cantidade de O2 disolto (fundamental para o desenvolvemento da vida) e cantidade de nitratos (indicadores de contaminación orgánica das augas).

A conclusión da mostraxe foi que as augas do Einfonso son MOI BOAS en canto a calidade se refire. Atopamos un importante número de especies delicadas á contaminación e esixentes en canto a cantidade de O2 disolto se refire. O nivel de nitratos foi  baixo.

Non nos sobrou moito tempo! Mais despois do traballo científico aproveitamos para percorrer a senda do río e facer algunhas paradas para identificar algunha especie vexetal coas claves dicotómicas, e interpretar algunha curiosidade do entorno natural.

Sen lugar a dúbidas, foi unha experiencia inesquecible!

Estaremos encantados de continuar con este proxecto. Grazas a Paco Bañobre, de ADEGA, por ensinarnos e acompañarnos nesta 1ª saída!

 

El pase de diapositivas requiere JavaScript.

Primeiras noticias dende Tchimpounga!

O 1º informe envíado dende a reserva de Tchimpounga (Congo) xa está colgado no “Rincón da Ciencia”, na entrada da Escola.

Nel, @s amig@s do Instituto Jane Goodall, cóntannos como se atopa Anzac, a nosa peque amadriñada na reserva.

Tamén nos informan sobre  a multitude de proxectos que están a desenvolver de xeito local.

A día de hoxe xa están tramitados outros 3 amadriñamentos, tras facer o envío doutros 90 móbiles que entre tod@s recollimos: parabéns! Polo que proximamente nos chegarán as cartas sobre o estado e evolución de Kauka, Kudia e Lemba. A familia do Rosalía de Castro non para de medrar: moitas grazas a tod@s por ser tan proactiv@s e estar tan concienciad@s.

Non deixedes de consultar a carta que nos enviaron! Na propia entrada da escola ou a través do seguinte enlace (pinchar na imaxe):

Portada Chimpa

Day 2: planting organic beans and butternut pumpkins (6th R. M. Aller)

IMG_7691

 

“Yesterday we went to the school garden to mix the compost bin, pick up the weeds and mix the soil. We worked very hard and now it looks much better!

When we picked up the weeds we had to be very careful because there are other good plants like strawberries or cabbages.

Today we finished mixing the soil and picking up the weeds. We planted some organic seeds of beans and butternut pumpkins. We used our hands and some gardening tools.

I love going to the school garden!”

by Sofía F. C.

Reciclando

Xa temos caldeiros de cores para reciclar en todas as aulas de Educación Infantil.

20151022_125915

  • O azul é para o papel
  • O amarelo é para plásticos, papel de aluminio, iogures…
  • e o verde é para restos das merendas, follas, herba…

No cole temos no aparcadoiro un contenedor grande azul onde metemos cartóns, papeis…

Todavía non temos o amarelo.

Pero si temos tres composteiros onde estamos a facer fertilizante para a nosa horta, árbores, etc.

Os caldeiros verdes baléiranse  nun mais grande tamén verde.20151022_125927

E éste recólleno os luns, mércores e venres para levaren ao composteiro xunto a horta ou ao vermicomposteiro. Case sempre veñen rapaces/as da ESO, pero as veces tamén van de Educación Infantil.

Os martes e xoves, bótase no composteiro rotativo que temos no patio de Ed. Infantil

20151023_085935

Calculamos que se están a reciclar entre 150  e 200 kilogramos de lixo orgánico na escola. Mirade como medraron as luffas gracias ao noso compost.

2015-09-23 12.51.48 (360x640)

Blog-reportaxe sobre a compostaxe escolar, por Nacho Cagiao

 IMG_2389“Non hai descanso para o ecoloxismo”

Xa volve empezar un novo curso na nosa escola e á vez comezan os exames, as tardes cheas de deberes e os madrugóns. Pero tamén volve comezar a nosa labor de axudar á Natureza, porque este proxecto, co que xa levamos uns anos, vólvese a poñer en pé  e vai pisando forte.

Os alumnos da ESO xa están a colaborar, axudando na súa tarefa principal no proxecto ecolóxico escolar de COMPOSTAXE. E cal é a nosa labor? Moi fácil: como xa saberedes a escola ten una pequena horta ecolóxica, o que quere dicir que non se utilizan fertilizantes artificiais ou químicos, que poidan prexudicar os alimentos ou ao seu entorno. Por iso, para que as nosas plantas medren sas e con forza, necesitamos utilizar algún fertilizante natural, como o é o abono… E aquí é onde interveñen os alumnos da escola, pois para obtelo temos que seguir un pequeno proceso no que todos participamos.

O abono conseguímolo dos restos orgánicos das merendas de media mañá dos nenos e nenas de Educación Infantil, que son recollidos polos alumnos da ESO tres veces á semana e levados aos composteiros: dous cubos onde se descompoñen os restos xa comentados anteriormente.

Pero non son iguais ambos composteiros… Primeiro temos o que directamente chamamos ”composteiro”, sen máis, que é onde a materia orgánica pasa a ser abono co paso do tempo. E despois está o “vermicomposteiro” onde os restos da merenda son descompostos e transformados en fertilizante coa axuda de vermes, de aí o seu nome. Estes non só fan máis rápido o proceso, senón que coas súas feces se consegue un abono mellor e máis rico en nutrientes para a horta.

Persoalmente, como alumno da ESO que son, teño que afirmar que esta non é a tarefa máis bonita ou divertida que poida realizar, pero o que si podo dicir é que paga a pena o pequeno esforzo que todos facemos polo gran produto final que obtemos.

Grazas ao compost que xeramos na Escola as verduras e hortalizas medran con forza. Ademais, este alimento logo é ofrecido a comedores sociais da cidade para axudar un pouquiño ás persoas máis desfavorecidas… e iso supera calquera cousa!

IMG_2391

Vendima 2015

No Outono, despois de medraren durante todo o verano, é cando se recollen as uvas, ou para comer ou para facer zume (e despois se cadra, viño) .

Fomos invitados a vendimar nas adegas La Val, onde recollemos uvas da variedade albariño.

IMG_0859 (640x480)

 

Dividímonos en tres grupos con cadansúas caixas.

El pase de diapositivas requiere JavaScript.

Despois levámolas a pesar e entre todos conseguimos 28 Kg.

Logo se botan nunha máquina ( tolva ) que as leva por unha cinta e as esmaga, e así se obtén o zume de uva ( mosto ) que xa se pode beber ou mesmo embotellar.

El pase de diapositivas requiere JavaScript.

Ou por unhas mangueiras vai cara uns toneis onde o zucre das uvas se transforma en alcol e así o mosto pasa a ser viño. Despois xa toca metelo en botellas, poñer un corcho e vestir (etiquetar) a botella

Nos decidimos experimentar e deixamos unha botella con mosto no patio do cole toda a fin de semana. Ao chegar o luns e durante varios días fomos ulindo como cambiara o cheiro, e como se formaran  burbullas na superficie.

2015-09-28 09.32.57 (640x360)

 

E despois tocou experimentar como:

  • meter o mosto dentro das botellas, descubrindo que o máis  cómodo era usar un funil.
  • Tratar de introducir o corcho dentro da botella,  aprendendo que o máis sinxelo e empregar unha máquina a modo de palanca.
  • E por último etiquetar, e así vestir a botella anunciando que dentro hai zume de uva.

El pase de diapositivas requiere JavaScript.