Instituto Jane Goodall: charla de Amanda, voluntaria en Senegal.

 

IMG_3065

Hoxe tivemos o pracer de compartir o día con Amanda, voluntaria do Instituto Jane Goodall (IJG) en Senegal, onde desenvolve o seu traballo de campo para a protección e conservación dos poucos chimpancés que quedan no país.

Ademais de falarnos da súa experiencia directa no ámbito da primatoloxía, explicounos unha morea de detalles vinculados ao IJG e a unha das súas campañas, Mobilízate Pola Selva, na cal a Escola participa dende o curso pasado coa recollida de móbiles en desuso co obxectivo de recuperar o coltan que conteñen.

Relacionado con esta campaña, Amanda ilustrounos e explicounos con detalle as problemáticas sociais (conflitos bélicos, explotación infantil, etc) e ambientais (destrución do hábitat de chimpancés, gorilas e outras especies) ligadas á explotación deste cobizado mineral, especialmente na R.D do Congo; concienciándonos da necesidade da reciclaxe e reutilización do coltan presente nas nosas tecnoloxías. Mais tamén nos falou da importancia doutros proxectos que o IJG desenvolve en varios países.

FullSizeRender_2

FullSizeRender_4

Os cartos que a organización obtén ao través da reciclaxe dos móbiles, amadriñamentos, soci@s, etc empréganse tanto para manter os centros de rehabilitación para os chimpancés coma para financiar outros proxectos, por exemplo educativos, nos países nos que están.

Agradecemos enormemente o tempo que, voluntaria e altruistamente, Amanda nos adicou. A súa paixón e adicación levouna a vir hoxe expresamente dende A Coruña, durante os seus días de vacacións (nunha semana regresa a Senegal), para compartir o seu coñecemento e experiencia connosco, atendendo ás dúbidas e curiosidades d@s nos@s cativ@s, dende 5º Primaria até 3º ESO incluídos.

Recollemos o sementado: seguiremos concienciando e participando destas accións colectivas e solidarias que fan do mundo un lugar mellor, e sobre todo máis xusto.

Moita sorte na túa travesía e até a próxima!

IMG_3056

 

“Mobilízate pola Selva”: xa somos oficialmente centro de recollida de móbiles!

opcion 2

O curso pasado embarcámonos na Escola nunha importante campaña de educación  e concienciación: “Mobilízate pola Selva”.

A  campaña nace da man do Instituto Jane Goodall, presidido por esta eminencia da etoloxía dos chimpancés, e o que promove é a recollida e reciclaxe de teléfonos móbiles vellos en desuso, co gallo de recuperar un compoñente básico empregado en moitas tecnoloxías, o coltan.

O curso pasado moitos rapaces e rapazas de 5º e 6º Primaria e 2º ESO traballaron con afán a problemática SOCIAL e MEDIOAMBIENTAL que, inda hoxe, deriva da extracción deste mineral, concretamente na R.D. do Congo. Neste país a obtención do coltan conleva un dobre, e cruento, problema:

  • Intensos conflitos bélicos que teñen provocado a morte dunha morea de inocentes.
  • Alta mortaldade de chimpancés pola redución, entre outras causas (caza furtiva, mercado negro, etc), do seu hábitat natural.

Nós somos consumidores destas tecnoloxías, e como tal temos unha responsabilidade. Pero para poder ser responsables e  tomar decisións o primeiro é estar ben informados.

Descoñecedores deste asunto, @s alumn@s quedaron abraiados ao coñecer a crúa realidade que están a vivir os habitantes do Congo e para aportar o seu grao de area realizaron magníficos traballos coa finalidade de concienciar ao resto da Escola e animarnos a reciclar os nosos vellos móbiles.

Podedes atopar o seu traballo en varias entradas do blog:

https://rosaliaconciencia.wordpress.com/2015/05/14/mobilise-yourself-for-the-forests-thank-you-all/

https://rosaliaconciencia.wordpress.com/2015/04/23/get-involved-in-our-campaign/

https://rosaliaconciencia.wordpress.com/2015/05/09/campanas-de-concienciacion-sobre-o-coltan/

33

O curso pasado entre todos conseguimos recompilar máis de 30 terminais!, o que tamén nos permitiu tramitar o apadriñamento dun dos chimpancés que viven en Tchimpounga, centro de rehabilitación, creado polo Instituto Jane Goodall no Congo, para a recuperación e conservación desta especie… tan próxima a nós (este trámite inda segue en curso).

Hoxe podemos dicir que A Escola Rosalía de Castro xa é oficialmente centro de recollida na cidade de Vigo. E isto é posible grazas a todos!

No facebook de Mobílizate pola Selva- Galicia están a colgar algúns dos traballos que fixeron @s nos@s alumn@s,  co que o seu bo facer está a ser de grande utilidade: parabéns!

https://www.facebook.com/MobilizatePolaSelvaGalicia?fref=nf (pincha no enlace)

Mobilizate-Galicia

Esperamos seguir recuperando móbiles a axudando dende a Escola pois a causa é máis que xustificada.

Campañas de concienciación sobre o COLTAN

Os alumnos e alumnas de 2º ESO estiveron traballar arreo e xa comezan recoller os froitos do seu facer!

Tras traballar o tema dos materias en Tecnoloxía, detivémonos nun deles: o coltan.  Tardou en chegar este momento xa que queriamos purrar da campaña “Mobilízate pola Selva”, na que  está a participar a Escola, para poder aportar o noso gran de area. E para iso, ideamos e deseñamos, por grupos, diferentes campañas que nos servisen para informar, concienciar e animar a participar á poboación (dentro e fóra da Escola) nesta interesante e relevante acción.

Sigue leyendo

Enerxías: saída a SOTAVENTO

O pasado mes de Abril os alumnos/as de 2º ESO realizaron unha saída ao parque eólico experimental SOTAVENTO, sito entre as provincias de A Coruña e Lugo, co obxectivo de reforzar, e experimentar de cerca cuestións relacionadas co relevante tema da enerxía.

Nas instalacións do parque puidemos acceder a diversas aprendizaxes: situación actual no emprego de fontes de enerxías renovables e non renovables, finalidade do parque experimental, estrutura e funcionamento dos aeroxeradores, utilidade da enerxía solar, cuestións de eficiencia e aforro enerxético, etc.

Sigue leyendo

Mobile Phone Recycling – MOBILise yourself for the forests!

mobile-phonesmobilizate

O departamento de ciencias da Escola decidimos implicarnos nunha campaña de concienciación do Instituto Jane Goodall sobre as consecuencias da extracción ilegal de coltán na República Democrática do Congo. O coltán é un mineral que polas suas características é utilizado maioritariamente para a fabricación de móbiles.

A súa alta demanda está ocasionando inumerábeis problemas, entre eles contaminación, conflictos bélicos, matanzas masivas de simios, explotación laboral…

Esta campaña consiste en tomar consciencia da cantidade de teléfonos móbiles  que moitos e moitas de nós temos nas casas e xa non utilizamos. Se optamos por reciclar todos eses terminais poderemos reducir a demanda de coltán, e por tanto colaborar na conservación dos ecosistemas e a protección de chimpancés de Tchimpounga.

Nos próximos días o alumnado de Science de 6º fará unha pequena presentación da campaña a outros cursos de primaria para que saiban en que consiste, pero queríamos adiantarnos e publicar no noso blog esta información tendo en conta a boa acollida que está tendo entre o alumnado que xa traballou a materia nas clases de Science. Aquí temos as palabras da propia Jane Goodall:

Esta semana habilitaremos un contedor na entrada da Escola para que depositedes os móbiles. Lembrade que non teñen que funcionar!

Moitas grazas pola vosa colaboración!

Máis información: www.movilizateporlaselva.org

fotografia

A pila de Volta, 1800

Tal día como hoxe, no 1745, nacía no norte de Italia Alessandro Giuseppe Antonio Anastasio Volta, o inventor da 1ª pila eléctrica. Velaí un pequeno audio sobre a súa historia:

http://www.rtve.es/alacarta/live_audio_PopUp.shtml?idAudio=1106339&lang=es&v=0.75

Pila de Volta

Volta presentando o seu traballo a Napoleón