Que mellor maneira de comezar as clases de Natural Science que iniciándonos na actividade científica no laboratorio da escola? A semana pasada as nenas e nenos de Alexandre Bóveda e Bertrand Russell (4º EP) fixemos unha pesquisa sobre os diferentes aparellos que podemos atopar nun laboratorio de química. Cando entendamos para que serve cada un deles poderemos facer algún experimento adaptado á nosa idade e ao noso plan de traballo. Moitas grazas ao profe Román pola súa colaboración!