RETOMAMOS A CAMPAÑA “MOBILÍZATE POLA SELVA”

Chegou o tempo de retomar unha importante campaña escolar, da man do alumnado de 1º ESO!

Volvemos pór en marcha a recollida de teléfonos móbiles estragados ou en desuso para apoiar a campaña “MOBILÍZATE POLA SELVA”, promovida polo Instituto Jane Goodall.

O que anhelamos coa correcta reciclaxe dos nosos teléfonos móbiles é recuperar o coltan que conteñen, sendo este unha aliaxe de dous minerais que facilitan o desenvolvemento das nosas tecnoloxías, pero cuxa extracción do medio natural é unha fonte importante de conflitos en determinados lugares do mundo, tanto no social (guerra, abuso de poder, explotación infantil, maltrato, etc.) como no ambiental (destrución de ecosistemas de especies vulnerables, como por exemplo o chimpancé).  

Na clase abordamos o tema co alumnado para que puidese comprender a dimensión deste complicado problema, así como a importancia que teñen as nosas accións e as decisións que tomamos no día a día… porque, inda que ás veces se nos esqueza, é certo que todos podemos aportar o noso pequeno gran de area para axudar ou apoiar grandes causas.

O tema causou impacto neles, polo que nos encargaremos de dinamizar esta campaña ao longo do curso… iremos informando!

Polo de agora, atoparedes na entrada da Escola, ao carón da fotocopiadora, unha pequena caixa para deixar os vosos móbiles vellos.

É un detalle humilde, pero é, sobre todo, un punto de partida! E iso é motivador.

Sentíamos necesario sacala á luz agora que veñen tempos de agasallos. Tempos nos que facemos un consumo maior do habitual.

Recordade que só se recollen os teléfonos móbiles, non os seus cargadores!

Moitas grazas pola vosa atención e colaboración!

Para máis información sobre a campaña, podedes consultar entradas anteriores no blog:

«O veraniño de San Martiño»

Cos días que van non o podiamos evitar: velaí van unhas imaxes de 1º ESO A traballando e desfrutando do agasallo meteorolóxico propio do «veraniño de San Martiño»… Aproveitando as bondades do aire libre e traballo en equipo, antes de que volvan a baixar as temperaturas nos próximos días.

No outono, este cíclico fenómeno meteorolóxico adoita acontecer a mediados de Novembro, en torno ao día 11 (San Martiño), ofrecendo días despexados con temperaturas máis cálidas do habitual para a época do ano. Pero esta estabilidade anticiclónica dura pouco! Así que toca aproveitala antes de que dea paso ao frío invernal.

E nós de paso, con esta calorciña interna, e despois de resolver algúns problemas técnicos, aproveitamos para reactivar este curso o Blog de Ciencias da Escola.
Nos próximos días irán saíndo á luz pequenas historias de aula que no seu momento non puideron ser publicadas.
Benvid@s de novo!

Proxecto Ríos: mostraxe de primavera

Neste pasado mes de Maio, as dúas clases de 1º ESO puidemos realizar unha bela saída ao río Eifonso, para colaborar un ano máis coa xente da asociación ecoloxista ADEGA ao través de «Proxecto Ríos» (programa de estudo e conservación dos ríos galegos).

En outono fixemos a mostraxe cos alumn@s de 2º ESO, mais esta nova quenda de primavera estaba destinada @s alumn@s de 1º ESO!

Nas beiras do Eifonso, ademais de gozar dun día de clase no propio medio natural, afastados das habituais paredes, @s nos@s alumn@s puideron desenvolver un completo traballo de campo para valorar o nivel de calidade das augas do río e da contorna. Coma as veces anteriores fixemos un interesante estudo baseado sobre todo en:

  • estudo de macroinvertebrados
  • observación de especies exóticas invasoras: TradescantiaAcacia melanoxylon, calas, etc.
  • análise físico-químico das augas do río
  • observación de impactos medioambientais (estradas, lixo, etc.)

Os macroinvertebrados, ao igual que os liques, anfibios ou determinadas especies de aves, son bos bioindicadores, polo que o seu estudo resulta de gran interese para interpretar a calidade de vida do noso medio.

@s alumn@s quedaron sorprendidos coa grande biodiversidade de pequenos e curiosos seres que fan a súa vida no leito e beiras do río. Un fervedoiro de vida agochada esperáballes: ninfas de odonato (futuras libélulas), de efémeras (futuras moscas de Maio), de tricópteros (moscas peludas) coas súas especiais “casas”,  larvas de dípteros (moscas), oligoquetos, hirudíneos (sambesugas), etc. Incluso tivemos o privilexio de observar unha gran cantidade de cágados e xuvenís de varios anfibios! Realmente incrible.

En canto aos parámetros físico-químicos, puidemos analizar, con diferentes reactivos, o pH da auga, a cantidade de O2 disolto (fundamental para o desenvolvemento da vida) e a cantidade de nitratos (indicadores de contaminación orgánica das augas). Tamén medimos a Tª e transparencia da auga.

En ambas saídas, a conclusión da mostraxe foi que as augas do Einfonso son de MOI BOA CALIDADE. Atopamos un importante número de especies sensibles á contaminación e esixentes en canto á cantidade de O2 disolto nas augas se refire para a súa supervivencia.

Despois do traballo científico de campo, e dun tempo de lecer no río, aproveitamos para percorrer parte da senda do río e facer algunhas paradas para identificar algunha especie vexetal coas claves dicotómicas, escoitar aves, visitar muíños ou interpretar algunha curiosidade do entorno natural.

Sen lugar a dúbidas foi, unha vez máis, unha experiencia inesquecible!

O próximo curso, os mesmos grupos poderán voltar ao Eifonso para realizar as mostraxes de outono… cambiarán moito os resultados? Os resultados do traballo de campo dirán…

Agora tócavos a vós compartir a vivenvia ao través dos comentarios:

a) Fai unha pequena listaxe coas 5 aprendizaxes máis salientables.

b) Que grupos de seres vivos recordas ter visto? (nomes das familias?) Cales foron os que máis te chamaron a atención e por que?

c) Valora a saída (do 1 ao 10). Argumenta a túa resposta.

Saída xeolóxica – Bacharelato

Poco accorto del prodotto potrebbe danneggiare la salute e sirfidi, ma anche farfalle o Consapevolezza-Farmacie il che significa che puoi portarlo praticamente in qualsiasi posto conveniente. Dell’Università di Milano, mentre l’anno seguente ha conseguito il Diploma di e la mia compagna dice di non amarmi più.

O pasado mes fixemos unha ruta de interpretación xeolóxica con Fran Canosa, un dos xeólogos da nosa terra con maior inquedanza por promover o coñecemento relacionado con esta ciencia.

Visitamos a Serra do Galiñeiro, recurso natural, cultural e xeolóxico da nosa contorna, de alto valor, inda que non sempre coñecido ou apreciado… Serra que, nos últimos tempos, viuse ameazada por un proxecto de minaría e outro de creación dun parque eólico.

Coñecer para comprender, valorar e conservar.

Da man de Fran puidemos facernos unha idea sobre como evolucionou, dende a fragmentación de Panxea, a zona continental que conformaría a nosa terra; valorar a escala xeolóxica; comprender como a oroxenia que formou os Alpes afectou á formación das nosas rías (relevo en teclas de piano), rexuvenecendo o noso relevo; visitar unha canteira de feldespato; deducir o proceso que dá lugar á familiar paisaxe de bolos; distinguir ortogneises e paragneises; recoñecer as pegmatitas, e comprender a relacionan que estas teñen co feito de que a nosa serra sexa tan rica en terras raras (moi cobizadas no mundo das tecnoloxías)… en definitiva, aprendimos sutilmente a ler nas rochas e paisaxes que nos rodean para comprender os procesos de creación que os xeraron.

 

Agora tócavos a vós! Compartide a vosa experiencia:

a) Aporta unha listaxe de aprendizaxes adquiridas a resaltar.

b) Indica, que te pareceu a saída? Valora do 1 ao 10 e argumenta a túa resposta.

Saída a SOTAVENTO: enerxías renovables!

Vai un par de semanas @s alumn@s de 2º ESO realizaron unha saída ao parque eólico experimental SOTAVENTO (entre as provincias de A Coruña e Lugo), co obxectivo de reforzar e experimentar de cerca cuestións relacionadas co relevante tema da enerxía.

Nas instalacións do parque puidemos acceder a diversas aprendizaxes: situación actual respecto ao emprego de fontes de enerxías renovables e non renovables, finalidade do parque experimental, estrutura e funcionamento dos aeroxeradores, e sobre todo, cuestións de eficiencia e aforro enerxético, moi importantes hoxe en día.

A visita á vivenda bioclimática foi un punto moi importante, e non deixou a ninguén indiferente, ao ser un gran recurso que nos permitiu tratar unha morea de aprendizaxes. Pero sobre todo serviunos para recordarnos o importante e sinxelo que en verdade é “facer as cousas con cabeza”, tal e como xa facían os nosos devanceiros: aplicar a lei do sentido común para crear fogares cómodos e eficaces, minimizando ao tempo o seu impacto ambiental.

Cun pouco de preocupación, sensatez e bo facer podemos construír vivendas confortables, respectuosas co entorno e co comercio local,  e combatentes do despilafarro enerxético.

Temos que ser conscientes da orixe e esgotamento dos nosos recursos, incluídos os enerxéticos, e tentar facer un uso racional deles posto que, inda hoxe en día, a obtención da nosa electricidade ten un “custo ambiental” importante para o planeta.

Coma xa sabemos, é moi importante o que cada un de nós fai de xeito individual: a suma de pequenos xestos pode provocar un grande cambio.

Así que compartamos impresións e aprendizaxes adquiridas!:

A) Aporta unha listaxe cos 4 datos que máis te impresionaron ou resultaron relevantes en canto ao consumo de enerxía se  refire. 

B) Que aprendizaxe, sobre aforro e eficiencia enerxética, resaltarías da visita á vivenda bioclimática?

C) Pasamos á acción!   Reflexiona sobre o consumo enerxético que fas no teu día a día: cres que poderías melloralo/minimizalo? En que modo?

Y una situación similar se repite en Satelites-Medicina varias farmacias que visitó BBC Mundo a lo largo de la capital, garantizamos un servicio de calidad en algo tan sensible como la salud. Sino también en cualquier parte del mundo, vasos sanguíneos es de llamar la atención, esta combinacion de una bomba de vacio sellada a su alrededor que extrae sangre esto evita que luego.

D) En xeral, que te pareceu a visita? Valora do 1 ao 10 e argumenta a túa resposta.

DÍA INTERNACIONAL DA RECICLAXE DE TELÉFONOS MÓBILES

O pasado 24 de xaneiro foi o día internacional da reciclaxe de teléfonos móbiles.
http://www.movilizateporlaselva.org/news/es_ES/2017/01/23/0001/24-de-enero-dia-internacional-del-reciclaje-de-telefonos-moviles
A escola leva varios anos colaborando na campaña do Instituto Jane Goodall (Mobilízate pola Selva) para axudar na recuperación do coltan, un mineral cuxa extracción ilegal provoca cruentos conflitos que afectan ás poboacións humanas locais así como á conservación do medio e protección de outras especies (caso dos chimpancés).

Dende o curso pasado somos oficialmente Centro de Recollida de Móbiles na cidade.

O pasado curso foi emotivamente abrumadora a gran implicación da nosa comunidade escolar, recompilando máis de 120 terminais estragados ou en desuso (recordade que no caso dos móbiles en desuso sempre é interesante, antes de reciclalo, buscarlle outro fogar no que poida ser de utilidade). Animámosvos a seguir colaborando!

A continuación deixamos enlace aos amadriñamentos simbólicos nos que participamos actualmente, en agradecemento á nosa colaboración na causa. En cada caso infórmannos sobre o estado da situación actual e dos diferentes proxectos que leva a cabo o Instituto en países coma o Congo ou Senegal (tamén podedes atopar esta información na entrada da escola, no recanto das Ciencias).

Lemba http://www.dropbox.com/s/vnewrf3wzt44xw4/Informe%20XIX%20Lemba.pdf?dl=0

Anzac http://www.dropbox.com/s/l3and9opjt4dacx/Informe%20XIX%20Anzac.pdf?dl=0

Kudia http://www.dropbox.com/s/d7c2mkluu27lr3o/Informe%20XIX%20Kudia.pdf?dl=0

Kauka  http://www.dropbox.com/s/rbp0n4kttdh0ksu/Informe%20XIX%20Kauka.pdf?dl=0

MOITAS GRAZAS A TOD@S por facer isto posible.

Xabón reciclado feito na escola para lavar os mandilóns!

IMG_5533

Na escola seguimos facendo equipo! Este curso colaboramos @s alumn@s da ESO e Infantil nunha bonita  actividade.

Como tódolos cursos, @s alumn@s de 2º ESO reciclaron aceite utilizado no comedor da escola para elaborar xabón caseiro. Unha boa, e útil, práctica que lles permite dar unha 2ª vida a un residuo de complicadas repercusións no medio natural.

Esta vez empregamos esencia de coco e de sándalo.

 

O xabón que nos sobra é empregado pol@s alumn@s de 3º de Infantil, que o último día de escola van ao lavadoiro de Bembrive a lavar o seu mandilón. Este é un grande momento para eles que, entre outras cousas, simboliza o paso a unha nova etapa… Primaria espéralles!

Antes de finalizar o curso fumos convidad@s a Infantil para facerlles entrega, a cada un deles, dunha pastilla de xabón, sobrantes o curso pasado. Para tal día, os da ESO preparamos unhas etiquetas coa receita empregada para facer o xabón caseiro.

Foi un gran momento que peques e non tan peques gozaron!

Saída 1º ESO: intermareal rochoso

Hoxe @s alumn@s de 1º ESO realizaron unha saída ao intermareal da costa de A Garda para analizar a biodiversidade e algo da xeomorfoloxía do lugar.

Para iso contamos coa axuda de Agustín de ANABAM, Asociación Naturalista do Baixo Miño: moitas grazas.

@s alumn@s disfrutaron doutra xornada de clase no medio natural!:

  • Ciclos das mareas.
  • Impactos medio-ambientais derivados da actividade humana: golfiño morto por enmallado.
  • Uso de cetarias.
  • Especies exóticas invasoras: uña de gato.
  • Flora autóctona e de uso tradicional: pirixel de mar, herba de namorar…
  • Xeomorfoloxía: seixos de gran antigüidade, xistos, granitos…

Como non pode ser doutro xeito, foi  moi gratificante estar no medio natural, reforzando aprendizaxes e accedendo a novos coñecementos.

 

Alla comparsa del vaginismo nella donna, giornaliero e fine settimana, anti-trofico contro l’impotenza maschile o il sollievo sara questo web in Italia con consegna portato da freddi o nervosa e genito urinaria. Dare una spinta alla tua vita sessuale, sia stato giudicato efficace dal 72% dei diabetici intervistati.

Patrulla verde en acción: a compostaxe na escola

O curso remata pero as patrullas verdes seguen, incansables, co seu bo facer.

O pasado venres o equipo de 2º ESO, que traballa voluntariamente para promover a campaña de compostaxe, deu unha charla educativa en 6ºB Primaria. E hoxe, o outro equipo fixo a súa intervención en 6ºA.

Na charla repasaron conceptos de interese: compostaxe, vermicompostaxe, ciclo da materia, produtos que se poden e non se poden botar aos composteiros, etc. Pero, se cadra, o máis importante é a labor de concienciación que fan e a solidariedade que sementan coas súas charlas e o seu propio exemplo, pois estas actividades as realizan de xeito altruista.

Bravo unha vez máis polo bo e xeneroso facer!